Adlennet eo bet ar bajenn-mañ
— 152 —
YANN
O anaout a ran… Daou gouer groz, aonik evel gedon. Ne deuint ket eus o zoull…
MOLAG
Me laka int pesketerien. Ma rafemp d’ezo bleina hor bag. Eman ar mor o vont da veza dies !… (Luc’heden.)
YANN
Dre gerniel an diaoul ! Klaoustre ec’h eus aon ! Me n’em eus ezom eus den ; te da-unan a sturio ar vag.
MOLAG
Evel a gerot, aotrou.
PEMPET DIVIZ
YANN, MOLAG, ANDOCH
ANDOCH
(En eur c’horn distro eus an teatr hep gwelet an daou-all, a goms ouz unan bennak ha ne weler ket.)
Lavaret a ran d’it ez eus erru eur gorvenfen gouest da zigernia an diaoul. Mont a ran da gerc’hat ar roued ankounac’heat. (O welet Yann.) A ! malloz ru !… Devet on !
YANN
Piou out-te, turier ?
