Adlennet eo bet ar bajenn-mañ
— 153 —
ANDOCH
Ho tigarez, mar plij, aotrou !… Me… me… me eo (d’an dud). Va Doue petra deuin da veza ?
YANN
Ac’hanta, glabouser, respont a ri ?
ANDOCH
O ! na rit droug ebet d’in, va mestr mad ; mont a ran da lavaret d’eoc’h.
YANN
Boued an ifern, koms a ri ?
ANDOCH
Va, va mestr kunv ;… hanvet on An… An… Andoch, evit ho servicha…
YANN
Gant piou e chommez ?
ANDOCH, o krena.
Gant… ga… ga… gant Alar, va c’henderv, aotrou mad.
YANN
Kea d’e gerc’hat difre, ha digas d’eomp bep a bodad gwin eus ar gwella. Klevet ec’h eus ?
ANDOCH
A ! gwin mad am eus avad, gwelet a reot ; ha dreist-oll ne goust ket ker.
