Adlennet eo bet ar bajenn-mañ
— 154 —
YANN
N’eo ket ker ? boued ar groug ! te gav d’it ta e werzi da win d’in ?
ANDOCH
Asa…
YANN
Re a henor, michans, a rin d’it oc’h e eva. Te n’ouzout ket ez on da roue, Yann a Vro-Zaoz ? Alo, hast afo, sent ouzin, pe diouall… Da di a c’hellfe beza d’an traon abenn warc’hoaz.
ANDOCH
Arabad eo d’eoc’h facha, va mestr madelezus ; dont a rin en-dro bremaïk.
- (Mont a ra d’e di en eur grena.)
C’HOECHVET DIVIZ
YANN, MOLAG.
YANN
Ya, red eo e ve eun divez… eno ema priz ar peoc’h evidon. Ema roue Bro-C’hall en Normandi evit lemel Arzur eus a dre va douarn… N’ez aio ket gantan ez veo… Ma ne fell ket d’ezan bremaïk ober dioc’h va c’hoant e c’hello lavaret ez eo echu gantan war an douar-ma… Va c’hleze a vezo treac’h d’e hardizegez ha d’e follentez.
