Pajenn:Ar Prat - Buez Arzur a Vreiz, 1908.djvu/22

Adlennet eo bet ar bajenn-mañ
— 20 —


War vab enorus an Duked
A gemer stur ar Vretoned.

Pell diouzomp an dristidigez,
Ra vo an holl el levenez,
En deiz-ma kaer ha benniget,
M’eo hon Dug Arzur kurunet !

Henor, gloar ha mil meuleudi,
Da vestr nevez ar Vreizidi !
Noël ! Noël ! Bevet Arzur !
Bevet an Dug yaouank ha fur !


ARZUR, o kemeret ar c’hleze.

Gwall bounner eo c’hoaz ar c’hleze-ma evit va dorn ; hogen, o sonjal penaoz hen dougas va mamm leun a vailhantiz, hag oc’h heulia hoc’h aliou, kont henorus a Zinam, me a ouezo ober implij vad anezan, beteg an deiz ma vezin digemeret marc’heg.

HERVE A LEON

Pa welimp ho kleze savet da c’houlen sikour, ni a denno hor re evit ho tifen, va frinz. Evidon-me a lavar huel hirio e vezin d’eoc’h hag er vuez hag er maro.

(Arzur a zo azezet. Herve a dosta outan hag a laka e zaouarn en e re.)

ARZUR

Aotrou a Leon, digemeret a ran ho sentidigez hag ho promesaou. Azalek hirio c’houi a vezo va marc’heg feal.

AN HOLL DIJENTILED

Ni ive a zo holl d’eoc’h, hag evit atao !…