Pajenn:Ar Prat - Buez Arzur a Vreiz, 1908.djvu/24

Adlennet eo bet ar bajenn-mañ
— 22 —


Dre an Doue’n deus kasoni
Ouz an nep a ra falloni,

Dre sked hano kaer Arvorig,
Dre vanniel gwenn an herminig,

Dre an Doue a varno kalet
An dud trubard d’ar gomz roét,

Ra vo hor c’homzou sïellet,
Hag hon le gant an Nenv klevet !

DISKAN

Ni a dou holl, aman hirio,
Chom feal beteg ar maro !


ARZUR

Ra zeuy Doue da zelaou ho le ! Ra blijo gantan ive skuilha e vennoz war va c’hurunen ! Ha brema ra vo laouen an holl ! Ra vo plijadur e peb leac’h ! Ho pedi a ran holl da lein ar gurunidigez. Va marc’heien vad a resevo eus va daouarn ar gwin a henor.

HERVE A LEON

Chom a ra ganeomp an dever d’ho trugarekaat evit kement a vadelez. Bennoz d’eoc’h, aotrou dug !