Adlennet eo bet ar bajenn-mañ
— 44 —
leun a henor, eur mestr bras ha galloudus, klevit mad, n’eo ket eun drubarderez.
LAOU AR REIER
Ha petra ’ta em befe da ober evit kaout perz en ho promesaou ?
YANN
Laou, gwelloc’h eget n’eus forz piou ec’h hellez rei da glevet d’an dug a Vreiz-Izel eo gwelloc’h d’ezan lezel diou brovinz, evit derc’hel e zukach.
LAOU AR REIER
Hag e vuez ?…
YANN
E vuez !… a zo etre da zaouarn !…
LAOU AR REIER
Penaoz ? Etre va daouarn ?…
YANN
Ha kals a vadou ouspenn. Eiz sac’had aour a vezo roet d’it pa zeuï da zigas d’in ar c’helou ez out deuet a-benn eus da daol !
LAOU AR REIER, gant estlam.
Aour, n’eus forz pegement !… Dug ha kannad e Bro-Zaoz !…
YANN
Kaout a rez mad ar pez a c’houlennan diganez ?
LAOU AR REIER
Ha ma ne gavan ket ?…
