Adlennet eo bet ar bajenn-mañ
— 50 —
AR BARZ
Red eo d’in ive hen anzav. A-wechou e seblant d’an darvoudou mont a-eneb va c’homzou evit lavaret n’on nemet eun trompler ; mez an hini a oar gedal en deus gwclet bepred va c’homzou o tout da wir. An amzer a zo atao a-du ganen.
ROHAN
Mad eo ! selaou a reomp ac’hanoud evel bugale fur.
AR BARK, o tenna eur wialen wenn a zindan e zilhad.
Da biou da genta ?
LAOU AR REIER, o tont.
Salud d’eoc’h, aotrounez ! Ac’hanta petra zoa nevez ? Ha ! te eo, Barz-baleer ?
LOHEAG
Hag a zo ive mestr urisiner.
LAOU AR REIER
Ah ! Ah !… mad kenan. C’hoarzin a raïmp.
AR BARZ
Da biou da genta ?
LOHEAG, oc’h asten e zorn deou.
Gwelomp, petra ’vo an amzer da zont evidon ?
AR BARZ
Laou a Loheag, a welan e skoued o lugerni er zal-ma, c’houi a skoio taoliou kalet war ar Zaozon.
