Adlennet eo bet ar bajenn-mañ
— 56 —
AR BARZ
Peoc’h d’ho tro ! me na werzan den, zoken an dud digalon !
UGENTVET DIVIZ
An hevelep re, ARZUR, LAN a ZINAM, LOHEAG, ROHAN, GUIOMAR, HERVE a LEON, MALESTROA, DIJENTILED, TUD a VREZEL, FLOC’HED, MEVELIEN.
(Arzur hag ar Floc’hed a deu dre an tu deou. — An Dijentiled hag ar mevelien a deu dre gleiz.)
ARZUR
Dont a ran va-unan, aotrounez, da rei d’eoc’h anaoudegez eus ar c’hoariou a vezo bremaïk e porz ar c’hastell. An aotrou Lan a Zinam, va c’helenner a zoare, Herve a Leon hag e vreur Gwiomar, a zibaban da veza barnerien ar c’hourinadeg.
LAN A ZINAM
An aotrou a aotrefe d’eomp ive war-lerc’h ar c’hourinadeg marc’heien, eur redadeg evit ar skouederien hag an dud a vrezel ?
ARZUR
An aotre a roan gant plijadur. Allo, tud kalonek, levenez hag eürusded e pep leac’h hirio !
HOLL
Bevet ! Bevet Arzur a Vreiz-Izel !
————
Divez an Arvest kenta.
