Pajenn:Ar Prat - Buez Arzur a Vreiz, 1908.djvu/80

— 78 —

SOUDARD KENTA

Hag eur ganaouen a vrezel !

HOLL

Eur ganaouen eur ganaouen !

OLMERIG, pe eur zoudard-all.

Gant plijadur, mignouned ; selaouit eta !

(En o zav war araok an teatr.)

War don : Bale Arzur.

Lar d’in, marc’heg, war an dachen
Ha chom a ra enebourien ?
Na ped zo c’hoaz er geriaden ?

DISKAN

Er geriaden, er mintin-ma,
Ez oa eur mil, hep fazia ;
Daou chant zo brema d’ar muia.

Lar d’in, marc’heg, va mignon ker,
Ped boutailh gwin a jom e ker,
Ped boutailh vit leunia hor gwer ?

DISKAN

Er mintin-ma, ruzik livet,
Edont aze tri c’hant renket ;
N’eus mui ugent ma vent kontet.

Lar d’in, marc’heg, va mignon keaz,
Eus a ugent ped a jom c’hoaz,
Ped a voutailhou bian ha bras ?