Adlennet eo bet ar bajenn-mañ
— 82 —
AR BARZ
Daou zoudard vak hag a zeblante nevez digouezet e-touez hon tennerien…
OLMERIG
Hag a zo ama ganeomp !
ARZUR
Gwelomp ’ta ! Grit d’ezo tostaat.
OLMERIG
Alo, Kastor ha Pollux, sentit oc’h an urz.
ALAR, izel.
Kea, Andoch, me ya d’az heul.
OLMERIG, o vouta warnan.
Kea ’ta !
AR BARZ
Setu aze an daou lapouz spontik !
ANDOCH
Aotrou, na gredit ket anezan ! Gaou a lavar.
ALAR
Hardisoc’h ez on eget na zonjit.
ANDOCH
Me eo am eus laosket an taol bir.
AR BARZ
Ya, eun taol adreuz. Ar bir a zo c’hoaz e trojen ar wezen.
