Adlennet eo bet ar bajenn-mañ
— 89 —
SEIZVET DIVIZ
Ar GWARD, LAOU a REIER
(Ar gward a ya hag a deu eur pennadig, ober a ra an dro d’an teltennou, hag ez a diwar wel — Noz peuztenval.)
LAOU A REIER, war beg e dreid, o sellet a bep tu, a deu dre gleiz, hag a en em zil e-barz eun delten. O sellet en dro d’ezan.
Diaouallomp ! Arabat eo d’in mont d’en em deurel en eun toull gwesped !
(Kuzet a ra adren trojen eur wezen, o chom koulskoude a-wel d’an dud.)
AR GWARD, o tont war wel.
Na sioul eo an noz !… Ar park-ma, enna kement a vuez bremaïk, a zo henvel brema oc’h eur vered. Bezomp war evez evelato !
LAOU A REIER, a gostez d’an dud.
Ra zeuy ar vosén da stoufa d’it da c’houzoug, gward milliget !
AR GWARD
O ! na sec’hed am eus !
(Laou a Reier aya d’ar red d’an tu deou. - O welet eur pod-dour dilezet tost d’ezan.)
LAOU A REIER
A !…
