Adlennet eo bet ar bajenn-mañ
— 92 —
me a ra al le ne vezo great droug ebet na d’Arzur na d’an dudjentil a vo kemeret gantan.
LAOU A REIER
Ha ma na zalc’hit ket d’ho ker ?…
YANN
Malloz d’in neuze ! Ar re zo dindanon na vezint mui dalc’het da zenti ouzin, hag e c’helli prezek ez on trubard d’am c’homz, gaouiad ha touer…
LAOU A REIER
Mez, aotrou, ne c’hellin ket va-unan dont a-benn eus eur seurt taol.
YANN
Bez’ em eus aze soudarded dare da rei sikour d’it.
Mont a ran d’o c’herc’hat… He brema, setu ama hag a
zo d’it. (Yann a ro d’ezan eur yalc’had arc’hant.) Kea,
kea ! (Yann a ya huit dre gleiz.)
NAVET DIVIZ
LAOU a REIER (e-unan).
(Ha daou zen kuzet en o mantellou.)
O metallennou burzudus ! paea rit va holl boaniou a gorf hag a spered… Kas a rit pell diouzin ar sonjou enkresus. (An daou-all a deu war wel, a gleiz.) — (Laou d’ezo) : Deuit d’am heul, c’houi ! Ha dreist-oll,
