Pajenn:Ar Prat - Kentoc'h mervel, 1911.djvu/43

43

KENTOC’H MERVEL !

TREDE DIVIZ

GWENOLE

GWENOLE, e-unan

Va Doue ! Va Doue!… Truez outan ! Pardonit d’ezan !… (Stoui a ra da welet hag hen e lamm c’hoaz ar galon e kreiz Yann). Ma vije c’hoaz eun tammig buez ennan !… Marteze e c’hellfe dont adarre war an hent mat !… Maro eo, siouaz ! en e bec’hed… evel Judaz !… Yann, Yann gez ! Plijadur em bije bet o roi d’it eun tamm skoazel, daoust d’an droug ec’h eus great d’eomp !… Jezuz a c'hourc’hemenn pardonni… N’em eus ket a gasouni ouzit, ouz da dorfejou eo !…

Ne ran ket mat marteze o chom da droidellat dre ama !… Piou c’hoar ? Ar Re-C’hlas a c’hell digouezout pa vezin an nebeuta war-c’hed anezo !… Hag ouspenn-ze, p’eo gwir eo maro, petra rin-me d’ezan ? (Tenna ra e vouchouer eus e c’hodel, hag e led anezan war benn Yann. — Goude ez a kuit).

PEVARE DIVIZ

AR C’HABITEN SPARTAKUZ ;

KARAKAZ  LACHÈVRE  PIEDEBIC  RICHARD

$\left\{{\begin{matrix}\\\\\\\\\end{matrix}}\right.$

Soudarded c’hlas ;

Meur a zoudard glas ouspenn.

AR C’HABITEN

Ar Republik da viken !

AR RE C’HLAS

Ar Republik da viken !