Adlennet eo bet ar bajenn-mañ
48
KENTOC’H MERVEL !
AR C’HABITEN
Frankiz d’ezan !
KARAKAZ
Brao ! Brao !
AN HOLL
Brao ! Brao !
GWENOLE (a gerz d’ar groaz).
(E vreac’h gleiz a ra an dro da droad ar groaz, eur vouc’hal en e zourn deou, troet ouz ar Re-C’hlas) :
Mar touchit ouz ar groaz-ma , me zo prest d’he difen ;
Nep a zailho warnezi a vo faoutet e benn !…
EUR ZOUDARD GLAS
Goustat ! Goustat ! Kaouen !… Koueza raio da lorc’h abarz nemeur !
UNAN-ALL
N’eo ket te evelato a deuio a-benn eus tud kalet eveldomp-ni !
EUN TREDE (gant faë).
Sec’h da fri, prenvig douar ! a-raok dont d’ober gwap ac’hanomp !
GWENOLE
Tostait brema, chas gall, tostait ’ta, boued an ifern !
KARAKAZ
N’am eus aon ebet razout ! (Mont a ra d’ezan… Eur c’hrogadig. Karakaz, trec’het, a gouez d’an douar).
GWENOLE
Setu kaset unan da gaout e dad Lusifer ! Da biou eo an dro ?