Pajenn:Ar Prat - Mouez Reier Plougastell, 1905.djvu/102

86

mouez reier plougastell

Bugale, chommit en ho klud !
Er c’heariou ez euz avel yud,
A c’houez kalet e peb amzer
War gorf hag ene ar skuber.

Kenvroiz, chommit en ho klud,
Chommit e karteriou ho tud ;
Er measiou e kaver yec’hed,
Peoc’h gwirion, frankiz, eurusded.

Gallaoued, chommit en ho klud !
Lezit didrouz eur boblad tud ;
Ar Vretoned na c’hedont ken,
Lezit he dra digant peb den !

————

XIII

MEULEUDI BRO-LEON

——

D’ar Breur Constantius.

Pa oa c’hoaz paianed hon tadou koz e Leon
Doue ’n deuz war hor bro great eur zell a galon ;
He zaoulagad kel lemm a zibab ebestel
A gaso warzu Breiz da brezeg an Aviel.