5
parrez plougastell
II
PARREZ PLOUGASTELL
——
D’an A. Gall, Person Fouesnant.
Plougastell abaoue pell zo
Eo gwella parrez tro-var-dro ;
N’euz ennhi nemed tud a feiz,
A gar ho Doue hag ho Breiz.
Da zul, da c’houel, en oferen,
Aliez er gousperou zoken,
E vezont en iliz bodet
En dro d’ho beleien karet.
Na kaer eo ar Plougastelliz
Pa ’z eont bep bloaz da Lourd gand feiz,
Da bedi ’harz treid ar menez,
Da eva euz dour ar Verc’hez !
Na kaer eo ar Plougastelliz
Pa ’z eont d’ar pardoniou gand feiz,
Da welet sent ho chapeliou,
Gand ho dillad a bep seurt liou !
N’euz nemed an divroidi
Hag a rafe drouk braz ennhi ;
|
