Pajenn:Ar Prat - Mouez Reier Plougastell, 1905.djvu/27

11

maro franseza e plougastell

Pa zistroan da Gerzadiou,
Eur veachik an amzer hebken,
E tigouez d’in goulen kelou
Euz tud ha na velin mui ken....

Siouaz ! an Ankou didruez
A sko, a sko da bep mare....
Va moereb n’eo mui e buez
Kalz mignouned maro ive !…

————

V

MARO FRANSEZA E PLOUGASTELL

——

E koun va moereb.

Marteze, Breiziz, e kredit
Ez oa Franseza eur brinsez ;
Va mignouned, fazia rit,
Rak n’oa nemed eur goueriadez.

Kement he deveuz va c’haret,
Ar voereb ker, en he buez
M’eo diez d’in hel lavaret :
Setu gwerz va zristidigez :