Pajenn:Ar Prat - Mouez Reier Plougastell, 1905.djvu/37

21

breizad bepred

5

En oll leac’hiou forz pegen kaer,
Va spered a nije d’ar ger.

6

Beteg Rom zoken ez oun bet,
Ha Breiz n’em beuz ankounac’haet.

7

Va daoulagad glaske al lann,
Ar parkeier leun a valan.

8

Na welen mui ar c’haer bragou
Ho deuz miret d’eomp hon tadou.

9

Na gleven ken nemed gallek,
Ha tamm ebed a Vrezounek.

10

Na gleven mui ar marvaillou
A lar d’eomp e Breiz hor mammou.

11

Va c’halon a lamme em c’hreiz
Gand hast da zistrei da vro Breiz.

12

E Breiz brema me a jommo
Beteg an deiz euz va maro.