24
mouez reier plougastell
|
Itron santez Anna, mamm goz ar Vretouned,
Dalc’hit en hon touez ar wenn euz ar Varzed ;
Grit m’ho gwelimp bemdez muioc’h-mui o stankât.
O Doue, klevit va mennad !
|
————
IV
NETRA NA DALV VA BREIZ !
——
Ha bez’ ez euz eur vro giz Breiz-Izel,
Diazezet gand kalz a dud santel ?
Ar c’hantvejou, ’vel bandennou brini,
Heb he diskar, ho deuz nijet dreizhi.
Klaskit eul leac’h henvel ouz Breiz-Izel,
E pini chomm, en despet d’an avel,
Kredennou sakr oberourien hor bro,
Korvigellet oc’h griziou an dero !
Ha bez’ ez euz eur vro ’giz Breiz-lzel.
E leac’h ma kan ar barz a vouez huel,
Gand an delen, evel an drouiz koz,
Koulz hag en env elez ar baradoz ?
|
