Pajenn:Barzaz Breiz, huitième édition.djvu/348

Adlennet eo bet ar bajenn-mañ


Potred Plouieou ho deuz laret :
— Tevet, merc’hed, na oelet ket,

Ken na welfet goad peb tiek
War dreuzou he di o redek,

Ken na welfet al lomm divean :
Goad ar C’hallaoued da gentan. —

Ann arser, evel pa glevaz,
Diwar zez ar groaz a lammaz,

N’ouie doare pelec’h tec’het ;
’Vel den rag he benn en deuz gret ;

Barz ar garnel e ma lammet,
E touez eskern ar Vretoned.

Hogen, klevet eur seurt burzud :
Ann eskern a zrask, evel tud ;

Hag a zav sonn, em unanet,
Eneb ann arser war ho zreid ;

Ha setu hen peurzispennet,
Ha dindan ho peurzouaret.


III

Potred Plouieou a lavare :
— Deomp-ni da c’hout hon digare. —

E Kemper dal’ ma erruzont,
Ho otrounez a c’houlenzont :