Pajenn:Barzaz Breiz, huitième édition.djvu/545

Alc’houe ar c’hik, alc’houe al lez,
Alc’houe pez zo enn tiegez.

— Gen-omp zo deut eunn alc’houeer,
Hag hen eur maill enn he vicher.

— Abarz ma teufec’h ’barz ann ti,
Skorno ar glao euz beg ho fri.

— Enn han Doue komzet seven ;
Ann noz zo du, ann avel ien.

Ma ann avel diwar Relek,
Pa na vresk na bioc’h na kazek.

Enn han Doue, hastet, tud ker,
Ni neuz c’hoaz seiz leo da ober.

— Mar d-oc’h potred hag ho deuz beg,
Komzomp nebeud ha komzomp c’huek.

Abarz dont tre ’barz ann ti-man,
Diskolmet skolmou zo aman ;

Distaget d’in enn eur ger krenn :
Piou zoug he gik war he groc’hen ?

— Ann havrek koz warlerc’h ann denn,
A zoug he gik war he groc’hen.

— Piou a ia kenta d’ar marc’had,
Ann daelou enn he zaou lagad ?

— Penn ann hent meur eo, me oar’vad,
Ar glouiz war he zaou-lagad.