Pajenn:Barzaz Breiz, huitième édition.djvu/579

Adlennet eo bet ar bajenn-mañ


— Ke, map-gaign, ke d’az toull endro !
Ke da vreina gand chas maro !
Ke vei ket kavet brema mui
Oc’h ober goab ac’hanomp-ni. —

N’oa ket he genou peur-sarret,
Pa oa gand ann douar lonket
Etouez moged ba flammou-tan,
E lec’h ma c’helver Bez-Keban.

Mont a eure ato ar c’harr,
O kas sant Ronan d’ann douar ;
Pa chomaz sonn ann daou ejen,
Heb kerzet mui na rog na dren.

Eno e oe laket ar sant,
Evel ma kreder oa he c’hoant ;
E penn-ann-nec’h euz ar c’hoad glaz,
Eeunn-hag-eeunn dirag ar mor-braz.