Kadarnaet eo bet ar bajenn-mañ
V
AR C’HORRED.
(Ies Kerne.)
Paskou-Hir, ar c’hemener,
Zo eet da ober al laer,
Abardae noz digwener.
N’helle mui ober bragou :
Eet ann dud d’ann armeou
Ouz re Vro-C’hall hag ho rou.
Eet e ’tre ti ar C’horred
Gand he ball, ha da doullet
Da glask ann tensaour kuzet.
Ann tensaour mad a gavaz,
Ha d’ar ger o redek braz ;
Ha’nn he wele ’n em lakaz.
— Sarret ann nor sarret klouz !
Setu ann Duzigou nouz.
— « Dilun, dimeurs, dimerc’her,
Ha diriaou ha digwener ! » —
— Sarret ann nor, mignoned ;
Setu, setu ar C’horred !
Ma int o tont ’trebarz ar porz,
Ma int enn han o tansal fors.
— « Dilun, dimeurs, dimerc’her
Ha diriaou ha digwener. » —
— Ma int o pignat war da dei ;
Ma int ’ober eunn toull enn ei.
