— Ha deut oud da unan d’ann emgann ?
— N’onn ked deut d’ann emgann ma unan ;
D’ann emgann ma unan ne dann ket,
Santez Anna zo gan-in kevred.
— Dont a rann-me aberz va roue
Da lemel digan-id da vuhe.
— Ke war da cʼhiz ! lavar d’az roue
Me ra fae out-han, ’vel anoud-de,
Me ra fae out-han ’vel anoud-de,
Vel deuz da gleze, ’vel deuz da re.
Ke da Baris, emesk ar mercʼhed,
Da zougen da zillad alaouret ;
Hend-all, e likinn da wad ken ien
Ha ma ’z eo ann houarn pe ar men.
— Marcʼhek Lez-Breiz, d’i-me leveret :
E pe goad e m’ocʼh-hu bet ganet ?
Distera mevel zo em banden
A lemfe ho tok diwar ho penn. —
Lez-Breiz, dal’m’en deveuz he glevet,
He gleze braz en deuz diwennet :
— Ma ne t’euz ked anavet ann tad,
Me rai d’id anaout ar mab anat ! —
Lean koz ar c’hoad war dreuz he gell,
Da floc’h Lez-Breiz a lavare hel :
— Tiz zo war-n-hoc’h o redeg er c’hoad !
Sotret hocʼh harnez gand poultr ha goad ;
