Kadarnaet eo bet ar bajenn-mañ
110
III.
Na Zalaun a zigouezaz
Da zadorn-noz e Keroulaz,
War he varc’hik du d’ar maner,
’Vel ma oa boazet da ober.
War ann nor borz pa neuz skoet,
Ar benn-herez neuz digoret ;
Ar benn-herez, o tont e meaz
O rei eunn tamm boed d’eur paour keaz.
— Penn-herezik, d’in leveret,
Peleac’h eo ho tudchentiled ?
— Eet int da gas ar chas d’ann dour,
Salaun ke prim d’ho sikour.
— N’ed eo ket evid doura chas
Ez ouun deuet da Geroulaz,
Nemed evid ober al lez ;
Ra viot furoc’h, penn-herez. —
IV.
Ar benn-herez a lavare
D’he mamm itroun, enn devez-ze :
— Aboe ma ar markiz ama,
Va c’haloun zo deut da ranna.
Va mamm itroun, ha me ho ped,
D’ar markiz Melz n’em roit ket ;
Va roit kent da Bennarrun,
Pe, mar kirit, da Zalaun,
