Kadarnaet eo bet ar bajenn-mañ
I
AZENORIK-C’HLAZ.
(Ies Kerne.)
I.
Azenorik-c’hlaz zo dimet,
N’ed eo ked d’he muia-karet ;
Azenorik-c’hlaz zo dimet,
D’he dousik kloarek, n’ed eo ket.
II.
’Zenorik oa tal ar feunten,
Ha gant-hi eur vrouz sei melen ;
War lez ar feunten, hi eunan,
O pakat eno bleun balan,
Da ober eur boukedik koant,
Eur bouked da gloarek Mezlean.
But e oa hi tal ar feunten,
Pa dremenaz ’nn otrou Iouen,
’Nn otrou Iouen, war he varc’h glaz,
Kerkent, enn eur redaden vraz ;
Kerkent, enn eur redaden vraz,
Hag out-hi dam-zellet a reaz :
— Hou-man a vezo va fried,
Pe n’am bo, ’vit gwir, groeg e-bed ! —
III.
Kloarek Mezlean a lavare
Da dud he vaner, enn de oe :
