Gat hi eur c’hoef ker gwenn hag erc’h
A n’hi fa ket bet digan-hec’h,
Eur c’horf voulouz du ’nn hi c’herc’hen,
Hag hen bordet gad argant gwenn ;
Gat hi deuz hi brec’h eur paner
Frezou ker melen ha ker kaer !
Frezou deuz jardin ar maner,
Bleuniou fin ar ’nn he, kemener ;
En em zell a re barz ar ster ;
Ne oa vil, enn dail, na dister !
Hag a gane ken aliez :
— Me garfe but milinerez.
Me garfe but, a greiz kalon,
Milinerez mel ar baron. —
— Miliner, n’em godiset ket :
Ma Fantik koant d’in daskoret.
— Ha pa rofec’h d’in pemp kant skoed,
Ho tous Fantik n’ho pezo ket,
N’ho pezo ked ho tous Fanchon,
Chom a rei e melin ar baron ;
Ho tous Fantik n’ho pezo ket,
Rag e ma gan-in gwalennet ;
Chom a rei gand ’nn otrou louenn
A zo eur c’hristen mad a zen. —
Milinerien zo potred ge !
Ne raint mui nemed kana ’nhe ;
Hi a lare ’nn eur c’huitellat :
— Krampouez hag aman a zo mad !
