Adlennet eo bet ar bajenn-mañ
466
Abep-tu pa zellinn,
Kement tra a welinn
A rai d’am daoulagad,
Ha d’am c’halon mil vad :
Perc’her ar baradoz
Digor ouz va gortoz,
Ar zent, ar zentezed,
Tost d’am digemeret.
Me vo digemeret
E palez ann Drinded,
E-kreiz ann enorio
Hag ar meuleudio ;
Hag eno, evit mad
Welinn Doue ann Tad
Gand he vab benniget
Hag ar Spered meulet.
Me a welo Jezus,
Enn eur c’hiz dudiuz,
O lakat war va fenn
Ar gaera kurunen :
— Ho korfou evuruz,
A lavaro Jezus,
Oa tensorio kuzet
Enn douar benniget.
Evel grizio roz-gwenn,
Pe lili pe spern-gwenn,
E kornig eul-liorz,
Ed hoc’h e-kreiz va forz ;
