Adlennet eo bet ar bajenn-mañ
— 188 —
MADELÉN, é tisoh.
Èl ma plijou genis.
En ur huélet Judas koéhet ar en doar.
Mes più é en dén-ma
Astennet ar en doar ? Kousket é pé petra ?
SALOMÉ
Klan marsé ?
MADELÉN
Ramb en dorn dehon eit seùel…
Etal Judas hag en des distroeit é fas aben dehi.
A !
Unan ag en deuzek !… Judas é ! A ! men Doué,
Petra e zou arriù genoh, Judas ?
SALOMÉ
Klan é.
MADELÉN
Perak nen doh ket hui get er réral ?
JUDAS, doh um lakat ar é hañazé.
Fé ia !
Perak nen don ket mé chomet geté ?… Nitra.
N’em es chet sur erhoalh nitra ; mes chuéh e oen.
Kousket em es… Deit oh… Ur fal huné e hren…
SALOMÉ
Krénein e hres ; skontet é hoah te zeulegad.
JUDAS
Skontet !… Ia, guir mat é !
