Adlennet eo bet ar bajenn-mañ
— 210 —
BENGABER
Ean e rehé é gorv de zèbrein !
ABDIAS
Ne houi ket
Mui anehon petra e lar !
BENDÉKAR
Nann, penveudet
Hun es ean !
AMRI
Pehed é er cheleu !
BENDÉKAR
Ia, pehed !
JÉSUS
Mar ne zèbret me horv, mar ne ivet men goèd
N’hou pou ket er vuhé énnoh ! Me horV e zou
Ur guir biùans, men goèd ur guir ivaj.
EN DOKTORED
Revou
Miliget !
JÉSUS
En hani e zèbr me horv ; en nemb
E iv men goèd, hannéh e chom énnan ean-nemb,
Ha mé énnon… Chetu er BARA dichennet
Ag en nean. En hani en dèbr ne varùou ket.
BENDÉKAR
Biskoah é mem buhé n’em es chet hoah kleuet
Blasfémeu ken eahus !
