Adlennet eo bet ar bajenn-mañ
— 252 —
JÉSUS
M’en dihouskou.
JUDAS
Mes mar dé marù… brein ?
JÉSUS
Guelarzé !
JUDAS
Guelarzé ?
JÉSUS
Ia, kriùeit e vou elsen hou fé.
MARTHA
Rabbi, Rabbi, mar plij genoh, hou péet truhé !
Pe veheh bet amen sur erhoalh hur brér-keh
Ne vehé ket marùet !
JÉSUS
Revou genoh er peah !
Resusitein e hrei en hani e ouilet.
MARTHA
Ean e resusitou ér vuhé de zonet,
Ia, m’er goui mat, Rabbi, mes…
JÉSUS
Me zou er vuhé.
Ne vern più e gredou énnan, nag é vehé
Marù, e viùou.
Aben d’en ol.
Ha hui e gred ol kement-sé ?
