Adlennet eo bet ar bajenn-mañ
— 42 —
AZARIAS
A houdé
Ur pemzek dé benak deit é de vout un dén
Ha konz e hra èl un tad-kouh.
HOZAEL, è tostat de Iehann.
Groeit em ès poén
D’is marsé, Iehann ?
IEHANN
Pas, me oénig, poén erbet.
HOZAEL
Trugeré.
Pellat e hra.
AZARIAS
Sel, Iehann, plijadur em ès bet
É kleuet hoah te voéh é huchal, hemb repoz,
Er pisked fresk.
IEHANN
Biù-keul, me lar d’oh !… Tro en noz,
Ni hun es labouret : nitra !
AZARIAS
Ché ! soéhus é neoah
Ma ne zalh ket un dén un dra benak.
IEHANN
Biskoah
N’em es chet hoah guélet hur bageu ker gouli
Èl pe zoaremb hiniù, mabed Jonas ha ni.
