Adlennet eo bet ar bajenn-mañ
AZARIAS
O kroèdurig bihan em es guélet un noz
É Bethléem, biùet em es doh hou kortoz.
Kresket e hues ; hui é e za duhont marsé
En ur streù en dro d’oh iehed ! Hou péet truhé
Dohein ! Groeit ma hellein hou kuélet hoah ur huéh
Hui hag em es gorteit ker pèl-men, hemb bout chuèh.
Hérem ha Héloni e zibouk ar en téatr, unan a glei, en aral a zeheu.
HOZAEL, dehé.
Émen é ma Jésus ?
HÉREM, é kerhet get maleu.
Jésus ? Ne houian ket.
HÉLONI
Er profet ?
HOZAEL
Ia.
HÉLONI
E ma duhont.
ABDIAS, en ur arriù get en doktored aral.
Più e glasket ?
HOZAEL
Jésus a Nazareth.
HÉLONI
É ma duhont, é ti
Lévi, er maltotér.
