Adlennet eo bet ar bajenn-mañ
— 60 —
BENDÉKAR, hag AMRI
Petra
E ziskas ean ?
ABDIAS
Ur gonz ha ne hel bout laret,
Én nean hag ar en doar, nameit get en éled.
Hag, a houdé, kentéh ma faut dehon gobér
Un dra benak soéhus hag e greskou é hloér
Ean e lar er gonz-sé.
BENDÉKAR
Mé, Abdias, kleùet
Em es ur sorbien aral ; poén em es bet
É parrat a hoarhein doh hé cheleu.
ABDIAS hag AMRI
Lar hi.
BENDÉKAR
Chetu : larein e hrér, mes più hempkin e houi
A bé bégeu é saù er sorbienneu-sé ?
— Penaus ean e viùas épad deu-uigent dé
Ha kement a nozieu…
ABDIAS hag AMRI
Émen ?
BENDÉKAR
Ar ur mañné
Étal Jériko.
ABDIAS hag AMRI
A !
