Adlennet eo bet ar bajenn-mañ
— 74 —
AMRI
Penaus ?
HÉLONI
Penaus ? Seih kuéh é ma bet laret t’oh.
ABDIAS
Hui, taùet, hein ?
HÉLONI
Perak ?
BENDÉKAR
Taùet !… Ur gonz muioh
Ha ni e hrei galùein er sudarded… Reskond,
Merh iouank.
SALOMÉ
Tuchentil, hun ti e zou duhont
É bég er ru. — Douget e oen bet, èl bamdé,
Kentéh ma saù en héaul, ér méz, ar ur gulé.
En noz e oé bet fal eidon ; krénein e hren
Hoah get en aneouid, hag en tan é me fen !
Me ouilé ; néhanset e oen, rak me chonjé :
Ne hellein ket jamés, mé, ridek, èl er ré
E huélan, ou fodeu dornek plom ar ou skoé,
É teval er voten d’en ér ma koéh en dé
Eit monet de glah deur ! — N’em boé ket hoand erbet
De viùein mui ; neoah poén bras em behé bet
É verùél, ker iouank… Nezé, èl ma saùen
Men deulegad, m’er guél é tont a zoh er len.
EN DOKTORED
Più ?
