Adlennet eo bet ar bajenn-mañ
— 94 —
ABDIAS
Fang ha bouilhen !
BENDÉKAR
Kenailh !
AMRI
Maltoterion !
BENDÉKAR
Laeron !
Dèbret en des geté !
ABDIAS d’en apostoled.
Penaus é kredet hui,
— Hou mestr ha hui — predein, hemb méh erbet, é ti
Ur maltotér, get tud hemb fé hag hemp lézen ?
SIMON-PIÈR
Rak ne hues chet bet chonj de genig t’emb méren,
Hui !
En un taul Mari-Madelén e zisoh ag un ti hag e goéh ar hé deuhlin dirak Jésus ; hé bleù um streù ar en doar ; er bobl um zistro a zohti hag e bella get donjér.
ER BOBL
A ! A !
BENDÉKAR
Più é honnéh ? Petra e hra hi ?
ER BOBL
A !
Er béhouréz, er béhouréz a Vagdala !
