Oh ! tadiou ! tudou brudet !
C’houi na vijec’h ket bet gwasket
’Vel e wasker anomp herie !
Ha gwir omp d’ac’h-u bugale ?
— Torr o fenn !
Mez d’imp ! oh ! kalonou klouar !
Everien daerou hor glac’har !
Bountet omp en hent, daoubleget,
Evel al loened paour zammet !
— Torr e benn !
Ar bobl enebour zo arru
War zeul ar vro, hag a beb tu ;
Ar bobl en euz kurunennet,
Gant drez ha spern, Zalver ar Bed.
Torr e benn !
War an holl ’fell d’ezi rena,
War an ineou da genta…
Mez me fell d’in choum diere
’N em c’huz-heol ’vel ’n em beure.
Torr e benn !
Ha pa eo red c’hoaz ’n emganna,
Dare mad oun ’dalek brema :
Falc’h pe bouc’hal d’in-me vo mad
’Vit lakaat da ruilhal ar gwad.
Torr e benn !
