Pajenn:Bocher - Bleuniou Yaouankiz.djvu/207

---

War ar Ster

D’an dimezeled de la Bégassière, Gwengamp.

War dôn : Itron-Varia-Bempoull.

Pell dimeus trubuilhou ar bed,
Hag eus he zrubarderez
War da zour, sterig koant meurbed,
Na bravât luskellerez !
— Luskell dudius, o bagig,
War dour sioul ar sterig,
Kerz didrouz etre he riblou,
Alaouret gant ar bleuniou,
Rak warni me zo laouen,
Seder, seder, hep anken…

Tra ma kerzez, pebez dudi !
Me a glev evnedigou,
Ebarz ar gwe o richani
Zoniou drant, kanaouennou…