Pajenn:Bocher - Bleuniou Yaouankiz.djvu/211

Adlennet eo bet ar bajenn-mañ
183
gwerc’hez ar c’hoat



Mar n’oe ket dispennet,
Eo felle d’ar Werc’hez
Bezan warni karet
En kichen Kerbernez,
Ha kavout he skeuden
Kuzet en eur jijen,
Zavet ouz troad ar roc’h,
Lec’h ma vije koantoc’h !

Setu perag hirie,
— Trugare da Pipi —
Ouz troad ar garrek goue
Eman skeuden Mari…
Skeuden garantezus,
Dous ha madelezus,
Hon mam, hon Rouanez,
Itron-a-Gerbernez !

Nag eo koant da welet
En eul lec’h ken dispar,
Elec’h na glever ket
Trouz abed, na safar,
Nemed evnedigou
O kana kantikou,
Ha mouez flour an avel
Beg ar gwe o vervel…