Pajenn:Bocher - Bleuniou Yaouankiz.djvu/29

---

HANO AR BARZ

D’an Aotro Goasdoue, kure Gwengamp.

  En tu-all d’ar mor pell a oa
An heol a oa kuzet,
Hag en eun nosvez ar gaera
Al loar a oa zavet ;
Moueziou klemmus ar c’haouennou
En noz na glevjed ken,
Sioul ha didrouz dre an henchou
E kerze an Awen ^[1].

Neuze war douar Lexobi
Lez-hanvet Ar Yeodet,
Deus forz bale, ken dizoursi,
Me a zo ’n em gavet ;

1. La Muse.