Pajenn:Bocher - Bleuniou Yaouankiz.djvu/294

Adlennet eo bet ar bajenn-mañ
242
pa deu an noz



Me glêv hiboud ar wazig dour
Pa ruilh war ar bili, ken flour,
’N eur laret ar gaeran peden
Glevas biskoaz skouarn an den.

Me gar ive, ribl ar môr braz,
Araok ar zerr-noz gwelet c’hoaz
An heol dindan ar volz tânet
O tiskenn en dour alaouret ;

Gwelet o tiszrei skanv d’ar gêr,
Bagig ken koant ar pesketer,
O nijal gant he gweliou gwen,
O luskellat war ar wagen…

Me gar, ’n eur gir, kreiz ar c’hoajou,
Ribl ar mor, war ar meneou,
Klevet mouez ar c’hloc’h dudius
O son bemnoz an Anjelus…

Klevet eus an holl barrouziou,
Ken ma tregern an traouiennou,
Mouez ar c’hleier, sklintin ha krenv,
O veuli Rouanez an Nenv…