Pajenn:Bocher - Bleuniou Yaouankiz.djvu/296

---

Bevet ar Varzed

war don : sao breiz-izel

d’an aotro markiz an estourbeillon « hoel broerec’h »

O ma Breiz-Izel, ma Mam-Vro garet,
Eveldout eur vro-all n’eus ket !
Evel da Varzed n’eus ket bugale,
O bez eta lorc’hus gante…
Kana e ra an holl dre ar bed :
Bevet ar Varzed, bevet ar Varzed !

Adalek ar penn-kentan da amzer,
War da zouar ar Varzed ter,
A gemere lod en ez levenez,
Hag a ouele war da enkrez ;
Ar Barz ha Breiz a gerz a gevred,
Bevet ar Varzed, bevet ar Varzed !

En ez koajou dôn, en amzer goz, goz,
Ar Varzed bemde ha bemnoz,