Pajenn:Bocher - Bleuniou Yaouankiz.djvu/300

Adlennet eo bet ar bajenn-mañ


Kanaouen-eured


War dôn : An hini goz,

Da Vari an Deuff ha d’he fried

Ujen an Naour, Sant-Servez.


I


A boan zavet an heol-vintin
Hirie klevis eur zon sklintin,
Eur zon skanv, skanv, laouen
O tiston en draouien…

Savet ma skouarn, petra a zo
Ma tregern kenkoulz ar maeziou ?
Klevet ran ar biniou,
Eun eured zo, m’hen tou !

Kerkent ’m eus groet eur ganaouen,
Ha deut aman — ya, hep peden —
D’o kana, daou bried,
En devez hoc’h eured.