Pajenn:Bocher - Bleuniou Yaouankiz.djvu/335

Adlennet eo bet ar bajenn-mañ

AR YEODET

d’an aotro ha d’an

itron aurégan, ploulec’h

Yeodet karet, lec’hig dudius,
Elec’h ma tremenas, evurus,
Ma bugaleaj ker meurbed
Re founus…
Te a vevo en em spered
Bepred !

Nankouaïn biken, nan birviken,
Da lann ha c’houez vad o bleun melen,
Da reier, da winojenno,
Da draezen,
Ar môr a gelc’h da zouaro
Tro dro…

Chapel, Gwerc’hez… Ha te, kloc’h sklintin,
A vrall skanv, skanv bemnoz, bep mintin,