Pajenn:Bocher - Bleuniou Yaouankiz.djvu/384

Adlennet eo bet ar bajenn-mañ


Dirak eur be…


Tôn : Ker Is.

d’am mam garet


Hag e stouïs ouz troad ar be
Ha ma daerou stank a ruilhe,
Eiz mizez hir oa tremenet
Aboue n’am oa ket he gwelet…

En keit-se oa bet ar Maro,
Dizeblant oc’h ober e dro,
O falc’het ar vleuen dener
A boan krog an neve-amzer.

Sonj poanius !… Ar wech diwean
He gwelis, e oamp c’hoaz aman,
Deut holl da laret eur beden
War be hon eontr en eur dremen…

— « Koantât da lec’h… Bravât bered !
» Pa vin maro, emei, m’ho ped,