O levriou dispar, levriou dudius,
Nag ez hoc’h d’in-me kaer ha talvoudus
Ha frealzus !
Na skwizan kamet o lenn, o furchal,
Ho folennou koz, melen ha tenval,
Mes dishual.
C’houi, pa oan bugel, dinerz, hep skiant
A lake em c’hreiz poell ha diskamant
Hep nec’hamant.
Ganac’h e tiskenn ar wir zantelez,
Skianchou ar bed, evel ar furnez,
Al levenez !
Ganac’h e tiskenn karout pep tra vad :
Doue, E lezen, ma mam ha ma zad,
Ma Bro ervad.
