Pajenn:Braz Anatole - Textes bretons inedits.djvu/8

Adlennet eo bet ar bajenn-mañ

Ar bobl a Israël a zo en graç bepret.
En berr a vezo ive delivret an tado
A zo ebars ar lim, nombr braz a amzer zo,
O c'hortos ar Messy evit ho rediman.
Mes en berr a halloint e noun rejouissan.
Me larr dit, Zachary, eun dra zo remerquabl :
Pennoz Elisabeth a gonsevo eur mab
Daouest d’hi holl gosny, a vezo Ian hanvet,
A vezo precepteur da redempteur ar bed.
Dont a rai da vevoan en eur vue divin.
Na deuio da efan biquen na gist na guin.
Cals a nonn rejouisso euz he nativite,
Ernes bean vo ive agreabl he vue.

Zacharie

O pebeus fantasy, o pebeus illusion
En deveus ma troublet en evelet feçon ?
Pe pa ven en templ, pe otramant e mes,
E clewan laret treo ac ne charesong james.

L'Ange

Na pe quet, Zachary, nep sort illusion.
Ar pez a lavaran dit a zo oll treo guirion.

Zacharie

A piou out-te o parlant euz treo zo quer huel ?

L'Ange

Me a zo Gabriel, cannat an Eternel.

Zacharie

Leret din-me, ma Doue, ia ma permetet,
Pennoz a c’hallfe arruout ar pez a leveret…
Pennoz Elisabeth, zo pewar uguent bloaz,
Pennoz a consevfe enn hi nep crouadur
Hounnez a zo serten eunn urve dreist an natur.
Hor Doue a discoe an exempl se expres,
Pa veont dija coz na dougont quen a froes ;
Ispicialamant eur voëen pehiny
Na deuz quet produet biscoaz a froes en-hy.
Zo eunn dra impossubl goude sterilite
Arriout an amzer euz ar fertilite.