me so e martir ha hiruout
oz reif da gouzout caffout mez
Ach roe tron te goar guirionez
mar e meux carez dellezet
dit me a gra spes oreson
maz viziff guirion pardonet
Bez goaz gant goas ne doan boaset
da ober nem boe quet en bet man
na nem bezo muy bizuiquen
breman certen men souten glan
Me a requet an speret glan
hac a breman ez diouganaf
miret ma corf oz pep torfet
hennez bepret a appetaff
Bezaff auster a prederaff
hac abstinaf a menaf don
bara ha dour eo ma sourcy
hep caffout muy refection
Me eo Gildas gant guir reson
aia peur hegar da sarmon
dre predication onest
An auielou hep saouzan
dan hol comun guitibunan
mar gallaf glan heruez an test.
Dan ylis glan mazedi an fest
han pardon reson onest
duet da arhuest gant maieste
