Pajenn:Buhez Santez Nonn.djvu/117

Adlennet eo bet ar bajenn-mañ
62
buhez santez nonn.

Christenyen net redimet en bet man
mar fell deoch net bout parfet saluet glan
obseru aman an pez so diouganet
ha mir a cren an hol gourchemenou
ha bez vaillant en hol mandamantou
han vertuziou kernch ha tnou a coudet.
Car doe roe tron a calon resonet
corf hac eneff caref ha douigef net
enor bepret so dleet da quentaf
ha bez hegar hep mar dre e caret
dre e douigaff hep bezaf anaffet
na offens quet voar nep splet pa ez pedaff


Hortatio de Charitate.

Nep en deuez gant fez carantez net
ne gra nep lech a nep bech a pechet
pacient, net, parfet coudet fin
doucc ha clouar, hep mar ha hegarat
eguit nep strouil a orgouill ne souillat
ne deo ingrat nep stat dre nep tatin
Carantez so en bro euez so din
oz da nessaf parfetaff bezaff fin
scler anterin ha diuin continant
ha drouc ha mat e pep stat relatet
dre carantez doe, oll da pep re so ret
mar fell dit net bout saluet conpetant