3. — Un tamig kent kreisté é galon zou diés,
Kleuet en dés laret é kollou é vestréz.
4. — Mar da ha diméein, el m’en dé bet laret,
Kent ma vou deit en noz é hei hoah d’hi guélet.
5. — Ként mé ma deit en noz é ma oueit d’hi guélet,
Ean hi hav é ouilein ar gornig en uéled.
6. — « Bonjour d’oh, plahig koant, bonjour d’oh e laran,
« Respondet d’ein, plahig, ha groeit stad a hanan.
7. — « Guéharal p’hou kuélen é oé guiü hou seleu,
« Ha bremen p’hou kuélan ne hret meit chuill dareu.
8. — « Arsaüet a ouilein, ha fondet hou timé,
Héliet hou kalon, ha distroeit dohein-mé. »
9. — « Ya, sûr denig iouank, hou konzeu zou d’em grad,
Ha kent mé tei en noz, m’ou lavarou d’em zad.
10. — « Bonjour d’oh, o me zad, hou merh, ar hé deuhlin,
« E houlen hou krad vat get-n-oh eit diméein.
11. — « Hou krad eit diméein d’en hani e garan :
« D’er melinér iouank e mès choéjet ketan. »
12. — « Ya, me merh, a galon é vennan er rein d’oh
Eit hou lakat koutant, eit hou lakat ésoh.
13. — « M’hanaü er melinér, plijein bras e hra d’ein,
« Hag éneb d’er galon ne jauj ket diméein. »
14. — Er melinér iouank e hié d’er gér koutant,
Hag é galon joéius m’en deoé bet é houant.
